Lefoko go tswa go Motlhankedi-mogolo
Kwa GEMS, re a reetsa fa maloko a bua. Re itlotlomatsa ka boleng jwa rona jwa tlhaeletsano e e tlhapileng e bile re tswelelapele go lwela go netefatsa gore ditlhopho tsa rona tsa dithuso le ditirelo di itebagantse le ditlhokego tsa maloko a rona.
Ke ka boitumelo jo bogolo go go tlhagisetsa dithuso tsa 2010. Mo boroutšhareng e, tshedimosetso e ntsi e tlametswe ka ga tshireletso ya tlamelo ya boitekanelo ya tlhwatlhwa e e kgonegang e bile e le matsetseleko eo wena, leloko la GEMS, o tla e fitlhelelang ka 2010. Re go rotloetsa go tlhopha tlhopho e e tshwanetseng go gaisa, ditlhokego tsa gago le tsa ba lelapa la gago.
Ngwaga wa 2009 e ne e se mongwe wa dingwaga tse di bonolo fela GEMS e tsweletse go dira tse di gaisang thata. E ne e le ka boitumelo jo bogolo fa re ne re keteka phitlhelelo ya matshelo a le 1 000 000 a a sireleditsweng ke GEMS, se se dirang gore wena o nne a le mongwe mo go ba le mileone! Phitlhelelo e, e baya GEMS kwa pele mo intasetering ya dikema tsa kalafi, ka thuso e re e tlamelang, e e buang ka boyona.
Re sekema sa kalafi se se tswetsweng, se segolo mo nageng, se se dira gore o nne karolo ya sekema sa kalafi se se maatla, sa matlole a a tsepameng, se se nang le dikgatlhegelo tsa gago.
Go tswelela pele ga rona go latela tse di gaisang ke bopaki jwa boineelo jwa RONA mo go wena, ditlhokego tsa gago tsa tlamelo ya boitekanelo, gammogo le ditlhopho tsa GAGO. Mo kaeding e, re tlhagisa ditlhopho tsa rona tsa tlhwatlhwa e e kgonegang - go go thusa go tsaya tshwetso e e nang le dintlha ka ga tlhopho ya thuso e e tshwanetseng ditlhokego tsa ba lelapa la gago mo go 2010.
Dithuso tse di kwa botennyeng (core) tsedi leng teng go ka bonwa ke maloko ka 2009 di santse di le teng mo go 2010. Gape re okeditse ditekanyetso tsa dithuso tse di leng teng gammogo le go oketsa ka tse dingwe, jaaka Thuso ya kakaretso e ntšhwa e e mo tlhophong ya Emerald. Re motlotlo gore tota le mo dinakong tse di maswe tse re iphitlhelang re le mo go tsona mo ikonoming, re tswelela go go tlamela ka tlamelo ya boitekanelo ya tlhwatlhwa e e kgonegang e bile e na le boleng.
Dikabo tsa ngwaga wa 2010 di simolola ka R424 e bile re kgonne go tshola tlhatlogo ya kakaretso ya dikabo mo ditlhophong tsotlhe go 10,8%. Dithadiso (tables) tsa dikabo tsa 2010 di akaredibona sentle gore tlhatlogo e tla ama kgetse ya gago jang.
Ka 2010, re tlhagisitse Sentlhaga sa GEMS se sentšhwa, sentlhaga sa batlamedi ba tirelo ya boitekanelo ba ba tla itebaganyang le ditlhokego tsa tlamelo ya boitekanelo jwa maloko a rona a Sapphire le Berylse tla tsena mo ditlhakong tsa sentlhaga sa Prime Cure, seo maloko a a mo ditlhopong tse, a ntseng a se dirisa mo dingwageng tse 3 tse di fetileng. Dikgang tse dintsi ka ga dintlha tse di tla tlhagisiwa kwa bofelong jwa 2009.
Ke rata go go lebogela tshegetso ya gago e e tsweletseng e bile ke go eleletsa pholo e ntle tota mo go 2010. Gakologelwa gore GEMS e sala go nna molekane wa gago mo pholong e ntle.
Wa lona
Dira TLHOPHO ya gago.
ikgolaganye le rona mo go 0860 00 4337
Dithuso di tlhametswe wena wa pholo e ntle, e bile o itumetse!
Dikabo tsa 2010 tsa kgwedi-le-kgwedi
Kwa bofelong jwa ngwaga mongwe le mongwe, re tlamela maloko a rona ka tšhono ya go fetogela kwa tlhophong e nngwe ya dithuso. Go dira tlhopho ya gago, o tlhoka go sekaseka ka kelotlhoko tlhopho nngwe le nngwe gammogo le dikabo tsa kgwedi-le-kgwedi.
Tsweetswee, leba se ka kelotlhoko gonne o letleletswe go fetola tlhopho ya gago gangwe fela mo ngwageng. Fa o ka eletsa go fetola tlhopho ya gago ya 2010, tsweetswee latela dikgato tse tharo tse di bonolo fa tlase. Gakologelwa gore foromo ya gago ya "Make your choice" e tshwanetse go re fitlhelela ka 30 Ngwanatsele 2009 kgotsa pele ga letlha le.
Ikgolaganye le rona
Mogala 0860 00 4367
Kaedi e sobokanya dintlha di le mmalwa tsa GEMS. E diretswe go dira jaaka tshupetso (reference) ya ka bonako fela e bile ga e tsene mo ditlhakong melawana ya Sekema. Fa go ka diragala gore go se nne le tumelano, melawana e e kwadisitsweng e tla nna yona e e maleba.
